30 марта 2021

Практыка і перспектывы вядзення бізнесу ў сферы арганічнай сельскай гаспадаркі ў Беларусі ў кантэксце замежнага вопыту і спажывецкага патэнцыялу на рынках ЕЗ і ЕАЭС былі разгледжаны сёння на панэльнай онлайн-дыскусіі «Інвестыцыйны патэнцыял арганічнай сельскай гаспадаркі», арганізаванай Нацыянальным агенцтвам інвестыцый і прыватызацыі ў рамках 8-й Міжнароднай канферэнцыі па арганічнай сельскай гаспадарцы.

 
 
Кажучы пра спецыфіку арганічнага земляробства ў Беларусі, сельскі прадпрымальнік, стваральнік і ўладальнік гандлёвага знака «Хутар Ёдишки» Андрэй Абрамаў акцэнтаваў увагу на прыярытэце развіцця глыбокай перапрацоўкі і замкнёнага цыклу вытворчасці арганікі для пабудовы ўстойлівага бізнесу ў дадзеным сегменце.

 
 
Прадстаўнік кампаніі «Bodem & Groen» (Бельгія) з 20-гадовым вопытам у арганічным бізнэсе Марсэль дэ Йонг назваў доступ да дастатковай колькасці зямельных і водных рэсурсаў, наяўнасць кваліфікаванай рабочай сілы і прымяненне сучасных тэхналогій і абсталявання галоўнымі фактарамі паспяховага развіцця арганічнага земляробства ў свеце і ў Беларусі, у прыватнасці.

 
 
Ацэньваючы патэнцыял рынку арганічнай прадукцыі ў Беларусі з пункту гледжання рытэйла, выканаўчы дырэктар некамерцыйнага аб'яднання «Асацыяцыя рознічных сетак» Наталля Шаблінская пацвердзіла зацікаўленасць асноўных гандлёвых сетак у прасоўванні такога віду прадукцыі на паліцы магазінаў, адзначыўшы пры гэтым яе эксклюзіўны характар і выказаўшы надзею на актывізацыю намаганняў па яе папулярызацыі ў нашай краіне.

 
 
Удзельнікам дыскусіі таксама распавялі аб дзяржаўных мерах па падтрымцы развіцця арганічнага земляробства ў Беларусі і крэдытных праграмах па фінансаванні інвестыцый ў бізнес-праекты ў гэтай сферы.
 
Цікавасць да онлайн-мерапрыемству праявілі больш за 40 удзельнікаў з 15 краін свету.