25.05.2026
22 і 23 мая Мінскі гольф-клуб прымаў «Minsk Golf Invitational 2026» — міжнародны турнір па гольфе для аматараў-бізнесменаў.
У гэтым годзе турнiр, арганізаваны Нацыянальным алімпійскім камітэтам, Беларускай асацыяцыяй гольфа, Нацыянальным агенцтвам iнвестыцый і прыватызацыі і ТАА «Гольф-цэнтр», праводзiцца ў шосты раз. Кампанія «Neo Bank Asia» другі год запар выступае генеральным партнёрам.
Акрамя чыста спартыўных мэт, арганізатары разглядаюць турнір як пляцоўку для бізнес-камунікацыі паміж беларускімі і замежнымі бізнесменамі, многія з якіх наведваюць Беларусь упершыню. Сёлета ў турніры прынялі удзел каля 35 замежных бізнесменаў з Казахстана, Кітая, Кыргызстана, Латвіі, Нідэрландаў, Расіі і Узбекістана. Сярод іх — уладальнікі і кіраўнікі прадпрыемстваў сярэдняга і буйнога бізнесу ў вытворчасці, гандлі і фінансавым сектары. Нацыянальнае агенцтва iнвестыцый і прыватызацыі прапануе арганізаваць дадатковую бізнес-праграму для ўсіх удзельнікаў. Некаторыя з іх прыехалі ў Мінск з канкрэтнымі планамі па рэалізацыі праектаў у Беларусі.
Падчас цырымоніі ўзнагароджання турніру адбылася значная дзелавая падзея: ганконгская асацыяцыя «Дзелавы альянс Усходняй Еўропы» (GEEBA) і Neo Bank Asia падпісалі пагадненне аб супрацоўніцтве. План заключаецца ў стварэнні надзейнага фінансавага моста для кампаній з Ганконга і рэгіёна Вялікага заліва (правінцыя Гуандун, Ганконг і Макаа), якія прыходзяць у Беларусь з інвестыцыйнымі і гандлёвымі праектамі. Бакі плануюць распрацаваць механізмы банкаўскай падтрымкі, міжнародных разлікаў, падтрымкі знешнеэканамічнай дзейнасці і дзелавых камунікацый.
«Невыпадкова ў назве "Нео Банк Азія" ёсць слова "Азія". Азіяцкі рэгіён з'яўляецца адной з найважнейшых сфер міжнароднай дзейнасці банка, і мы рады, што нашы падыходы і мэты супадаюць з бачаннем нашых партнёраў з асацыяцыі «Дзелавы альянс Усходняй Еўропы», — адзначыў Султан Марэнаў, старшыня праўлення Neo Bank Asia.
«Падпісанне пагаднення з'яўляецца важным крокам у развіцці міжнароднага дзелавога супрацоўніцтва і ўмацаванні фінансавых сувязяў паміж Беларуссю і Ганконгам», — пракаментаваў старшыня GEEBA Уільям Ім.
«Дзелавы альянс Усходняй Еўропы» — гэта бізнес-асацыяцыя, накіраваная на развіццё і ўмацаванне дзелавых сувязяў паміж кампаніямі Ганконга і краін Усходняй Еўропы. Гэты рэгіён традыцыйна арыентаваны на сусветныя фінансавыя цэнтры. Аднак асацыяцыя ўжо глядзіць у бок "нябачных чэмпіёнаў" з пункту гледжання інвестыцыйнай прывабнасці, якімі яна лічыць рынкі Усходняй Еўропы, у тым ліку Беларусі. Дарэчы, гэтым разам дэлегацыя прыехала не проста гуляць у гольф, а з канкрэтнымі бізнес-планамі», — сказаў дырэктар НАIП Аляксей Пушкароў.
Таксама ў рамках турніру адбыўся шэраг бізнес-сустрэч паміж камандай НАIП і патэнцыяльнымі інвестарамі.
