Аграпрамысловы комплекс Беларусі - стратэгічна важны сектар эканомікі для дзяржавы і прывабная сфера для інвестыцый. У аглядзе дадзена сціснутая інфармацыя аб бягучым стане сельскагаспадарчай галіны, прааналізаваны яе моцныя і слабыя бакі, а таксама прэзентаваны найбольш перспектыўныя інвестыцыйныя праекты.
Аналітычны агляд галіны сельскай гаспадаркі за 2025 год
Харчовая прамысловасць займае вядучае месца ў структуры прамысловай вытворчасці Беларусі. На яе долю прыпадае звыш 25 працэнтаў ад сукупнага аб'ёму. Вытворчасць сельскагаспадарчай прадукцыі на душу насельніцтва ў Беларусі адпавядае ўзроўню развітых краін і па многіх пазіцыях перасягае паказчыкі, дасягнутыя ў краінах СНД. У глабальным рэйтынгу харчовай бяспекі за 2022 год Беларусь знаходзілася на 55-м месцы са 113 дзяржаў і характарызавалася як краіна са спрыяльнымі ўмовамі забеспячэння харчаваннем.
